Desde o Plan de Emprego Local (PEL) da Deputación da Coruña, en colaboración coa Confederación de Empresarios da Coruña (CEC), están a levar un estudo estratéxico dentro do programa Provincia Emprendedora.

O obxectivo é coñecer de primeira man as necesidades reais, os retos diarios e as oportunidades de futuro do noso tecido produtivo. Para iso, buscan a participación activa de empresas e persoas autónomas da provincia da Coruña que pertenzan a catro sectores clave: 

• TIC e Audiovisuais
• Renovables, Economía Circular e Sustentabilidade
• Sector Primario
• Turismo

Podes dar a túa visión a través deste cuestionario. A información recollida será de gran valor para elaborar un diagnóstico preciso e, o máis importante, para deseñar futuras accións de apoio directo, capacitación, cooperación, financiamento e innovación para o teu negocio.