Responsables do proxecto MoFra (Monumentalidade fráxil e producción non institucional do patrimonio en España), da Universitat Politècnica de Catalunya, financiado pola Axencia Estatal de Investigación, pídennos a nosa colaboración para estudar a autoconstrución de espazos de memoria non mediados polas institucións, o que denominan “monumentos fráxiles”.

Son de interese aqueles elementos memoriais no espazo público ou a paisaxe que xorden da vontade popular, vinculados con colectivos sociais, como fitos en lembranza de vítimas, altares espontáneos, fitos vinculados ao montañismo ou sendeirismo, murais políticos ou museos ou arquivos autoxestionados, que dependen da mobilización comunitaria para non desaparecer.

Se coñeces algún exemplo, podes axudar a identificalo e localizalo. A túa colaboración permitirá incorporar ao catálogo representativo casos que reflicten a pluralidade e inclusividade da memoria colectiva en España, respondendo a este breve formulario. 

Podes ampliar a información sobre o proxecto MoFra premendo aquí.