O Consello Galego suscribiu un Convenio coa UDC para ofrecer aos/as colexiados/as de Galicia, Asturias e León acceso o Curso DIRECCIÓN DE OBRA DE CONSTRUCIÓN INDUSTRIALIZADA. DOCI-EUAT, mediante o que se poderán obter microcredenciais.

Actualmente, existe a necesidade de formar a profesionais do sector da construción na xestión e execución de proxectos industrializados, unha solución cada vez mais frecuente en comparación coas solucións tradicionais. Por outro lado, os elementos prefabricados son unha opción cada vez mais extendida que require formación específica para os profesionais do sector. Este curso ofrece os coñecementos técnicos necesarios para lograr a reconversión profesional que demanda o sector da construción industrializada, un sector que ven a solucionar a necesidade de man de obra e o déficit de vivenda na sociedade, considerándose unha forma de construir vivendas de forma rápida, económica e coa máxima calidade.

OBXECTIVOS FORMATIVOS:

• Readaptación de titulados e profesionais do sector da construción para a xestión de proxectos de construción industrializada.
• Adquisición de habilidades de planificación específicas para a construción industrializada.
• Adaptación dos coñecementos á organización da produción, loxística e montaxe específicas da construción industrializada.
• Avaliación dos aspectos de seguridade e saúde, e calidade na construción industrializada.